پرۆژە یاسای(فرۆشتن و بەكرێدانی ماڵ و موڵكی دەوڵەت) پرۆژەیەكی هەستیارو مەترسیدار:

حكومەتی هەرێم هەستاوە بە ئامادەكردنی ئەم پرۆژەیە و ناردویەتە پەرلەمانی كوردستان بەمەستی دەرچواندنی، پیویستە سەرجەم پەرلەمانتاران ئاگاداری ئەم بابەتەبن، چونکە موڵك ماڵی دەوڵەت سەروەتی نیشتیمانییەوە و پەیوەیستە بە تاك بەتاكی كۆمەڵگا   رەهەندیكی ئابوری و بینای  تەحتی وڵاتەوە هەیە، ناكرێت بیبەها لەم پرۆژەیە بروانرێت، گرنگترین مەترسی و تێبینەیەكان ئەمانەن:

1_ مادەیەكی تیدایە دەسەڵات دەداتە سەرۆكی حكومەت بە فرۆشتن و بەكرێدانی موڵك ماڵی دەوڵەت بەبی هیچ رێكار و ریوشوینیكی یاساكە وخەمڵاندن و خستە ناو زیادكردنی ئاشكرا، ئەمە مادەیەكی یەكجار مەترسیدارە پێدانی دەسەڵات بە تەنها سەرۆكی حكومەت بە چاوپۆشین لەهەر حیزبیك بێت و بەبی رقابە و چاودێری رێگەو دەروازەیە و گومانی گەورە دروست دەكات، ئەم رەخنەیە تایبەت نیە بەوەی سەرۆكی ئیستای حكومەت لە پارتی دیموكراتی كوردستانە پرسەكە پەیوەستە بە دەسەڵاتێكی رەها و مەترسیدار بە سەرۆكی حكومەت جا لەهەر رەنگ و حیزبێك بیت هەرچەندە لەیاسا تازەكەی عێراق ئەم دەسەڵاتە لای ئەنجومەنی وەزیرانە واتا سەرجەم وەزیرەكان كۆدەبنەوە بە زۆرینە بریار دەدەن.

2-چەندین حاڵەت لە پرۆژە یاساكەدا هاتوە ریگە دەدات بە وەزیری تایبەتمەند بەبی زیادكردنی ئاشكرا(مزایدە)بە كەمتر لە نرخی خۆی بیفرۆشن و بەكڕیی بدەن، ئەمەش مەترسی جدیە.

3_ئەم پرۆژە یاسایە بە نەفەسیكی مەركەزی تەواو نوسراوە هیچ رۆڵی سەرۆكی یەكە كارگیرییەكان(پاریزگاو قائیمقام و بەرێوەبەری ناحیە) تەنات بەرێوبەری وەزارەتەكان بونی نیە رایان نیە لەسەر ئەم پرسانە.

4_لە روی پیداویستی یاسای و كاتی ناردنی ئەم یاسایەی حكومەت ئامادەی كردوە ،ئێمە لەبۆشای و فراغی یاساد نین،  چونکە لە كوردستان یاسای ژمارە  ۳۲ساڵی۱۹۸٦ بەركارە كە پرۆژە یاساكەی حكومەت زۆرترین مادە و برگەكانی ئەم یاسایەی تێدایە، هەرچەندە لە عیراق و پەرلەمانی عیراق یاسایەكی تازە دەرچوینراوەبە ژمارە ۲۱ ساڵی ۲٠۱۳، كەدەكرا  ئەم یاسایەی عیراق جیبەجی بكرایە و اڵانفاذ بونی بۆ بكرایە.

5_ئەم پرۆژە یاسایەی حكومەت ناردویەتی گومان دەكریت لەداهاتوو دەروازەبێت بۆ لەدەستدان و بە هەدەردانی موڵك وماڵی دەوڵەت، چونکە حیزبی دسەڵاتدار و خەڵكانی چاوچنۆك بە بازرگانی نەوت و سامانی ژیر زەوی و دوگ و چەک و جگەرە تێریان نەخواردوە ، گومان دەكرێت ئەم یاسایە دەروازە بیت بۆ لەدەست دەركردن و فرۆشتنی موڵك و ماڵی دەوڵەت كە خاوەنداریتی بۆ هەمو خەڵك دەگەڕێتەوە

218 جار خوێندراوەتەوە