دەستەی نیشتمانیی خانەنشینیی عێراق ڕایگەیاند؛ سەرجەم ڕێکارەکانی پەیوەست بە ئامادەکردن و خستنەسەر هەژماری مووچەی خانەنشینان بۆ مانگی تشرینی دووەمی ئەمساڵ کۆتاییان هاتووە و ئامادەیە بۆ خەرجکردن.

حوسام عەبدولستار، جێگری سەرۆکی دەستەی نیشتمانیی خانەنشینی ڕوونیکردەوە، لەسەر ڕاسپاردەی فالح ساری وەزیری دارایی، تەواوی داتا و زانیاریی مووچەخۆران ڕەوانەی بانکەکان کراون.

ئاماژەی بەوەشکردووە، ئەم هەنگاوە بە مەبەستی تەواوکردنی ڕێکارەکانی دارایی و خێراکردنی پڕۆسەی خەرجکردنی مووچەی خانەنشینانە بۆ ئەوەی لە کاتی خۆیدا پارەکانیان وەربگرن.