بانکی ناوەندیی عێراق، ئەو دەنگۆیانە ڕەتدەکاتەوە کە باس لە دەرکردنی بڕیارێک دەکەن بۆ کەمکردنەوەی مەرجی کەمترین بڕی سەرمایە بۆ کۆمپانیاکانی بازرگانیی زێڕ.

لە ڕاگەیەندراوێکدا، بانکی ناوەندی بڵاویکردەوە؛ ئەو هەواڵانەی لە هەندێک پلاتفۆرمی میدیایی و تۆڕە کۆمەڵایەتییەکاندا بڵاوکراونەتەوە سەبارەت بە کەمکردنەوەی مەرجی سەرمایەی کۆمپانیاکانی زێڕ و ئەو ئامار و وردەکارییانەی لەسەر پۆلێنکردن و کارکردنیان خراونەتەڕوو، بەتەواوی دوورن لە ڕاستییەوە و هیچ بڕیارێکی لەو شێوەیە دەرنەچووە.

بانکەکە داوا لە دەزگاکانی ڕاگەیاندن دەکات، بۆ وەرگرتنی زانیاری تەنها پشت بە سەرچاوە و پلاتفۆرمە فەرمییەکان ببەستن و لە گواستنەوەی هەواڵەکانی تایبەت بە کەرتی دارایی و بانکی، وردتر مامەڵە بکەن.