سەرۆکی پەرلەمانی ئێران ڕایدەگەیەنێت، تاوەکو گەمارۆی دەریایی هەڵنەگیرێت و ئۆپەراسیۆنە سەربازییەکان بەتەواوی نەوەستێنرێن، گەرووی هورمز ناکرێتەوە.

لە لێدوانێکدا سەبارەت بە ڕەوشی ناوخۆی وڵاتەکەی، محەمەد باقر قاڵیباف سەرۆکی پەرلەمانی ئێران ئاماژەی بەوە کرد، لە سکاڵا و گلەییە ئابوورییەکانی هاووڵاتییان تێدەگات و ڕێز لە ڕەخنەکانیان دەگرێت، بەڵام جەختی کردەوە کە ئەم قۆناغەی ئێستا زیاتر لە هەر کاتێکی دیکە پێویستی بە یەکڕیزیی نیشتمانی هەیە.

لە بەشێکی دیکەی قسەکانیدا هێرشی کردە سەر ئەمریکا و وتی: "ئەو دوژمنەی بەناچاری ڕەزامەندی لەسەر یاداشتنامەی لێکتێگەیشتنەکە دەربڕی، ئێستا بۆ قەرەبووکردنەوە و شاردنەوەی شکستە سیاسییەکانی، لە بەڵێن و پابەندبوونەکانی پاشگەز بووەتەوە."