لە ڕاگەیەندراوێکدا، سەرۆکایەتیی ئەنجومەنی نوێنەرانی عێراق، بە توندی ئیدانەی ئەو هێرشە دەکات کە کرایە سەر نووسینگەی تایبەتیی سەرۆکی حکومەتی هەرێمی کوردستان و ماڵی بەڕێوەبەری ئاژانسی هەواڵگریی هەرێم، لە هەمان کاتیشدا سەرۆک وەزیرانی عێراق جەخت لە هەوڵەکانیان بۆ جێگیرکردنی سەقامگیری و ڕاگرتنی ململانێکان دەکاتەوە

 سەرۆکایەتیی ئەنجومەنی نوێنەران ئاماژەی بەوە کردووە، هێرشەکە پێشهاتێکی مەترسیدار و قبوڵنەکراوە کە سەروەریی عێراق و ئاسایشی هاووڵاتییەکانی پێشێل دەکات

هەروەها جەختی لەوە کردووەتەوە کە ئاسایشی هەرێمی کوردستان بەشێکی جیانەکراوەیە لە ئاسایشی عێراق، و بەئامانجگرتنی هەر بەشێک لە خاکی هەرێم، یان بەرپرسان و دامەزراوەکانی لەژێر هەر بارودۆخ و بیانوویەکدا بێت، کارێکە بەهیچ شێوەیەک جێگەی قبوڵکردن نییە