شارەزایەکی کەشناسی پێشبینی دەکات، ئەمساڵ وەرزی بارانبارین لە هەرێمی کوردستان لە کاتی ئاسایی خۆی زووتر دەست پێبکات و بڕی بارانبارینیش لە سەرووی تێکڕای گشتیی ساڵانەوە بێت.

بەپێی نوێترین گۆڕانکارییە سەرەتاییەکانی مۆدێلەکانی کەشوهەوا، لە ناوەڕاستی مانگی ئەیلولەوە گۆڕانکاریی بەرچاو لە کەشوهەوای هەرێمی کوردستان و ناوەڕاستی عێراق ڕوودەدات و یەکەمین شەپۆلەکانی بارانبارین دەست پێدەکەن.

هەڤاڵ سدیق گەڵۆزی، شارەزای کەشناسی ڕایگەیاند، پێشبینییە درێژمەوداکان ئومێدبەخشن و لە مانگەکانی تشرینی یەکەم و تشرینی دووەمدا شەپۆلی سەرتاسەری زۆربەی ناوچەکان دەگرێتەوە، بە جۆرێک ئەگەری بارانبارینی زۆرباش هەیە و بەراورد بە ساڵی ڕابردوو زووتر پەڵە دەدات.