بڕیاری پلەبەرزکردنەوەی (518) ئەفسەری هێزەکانی ئاسایشی ناوخۆی پەسەند کرا و فەرمانەکە ئاراستەی سەرۆکایەتیی هەرێمی کوردستان کرا بەمەبەستی دەرکردنی فەرمانی هەرێمی.

بەپێی نووسراوێکی فەرمیی سەرۆکایەتیی ئەنجومەنی وەزیران کە مێژووەکەی دەگەڕێتەوە بۆ (6ی ئابی 2026)، بڕیاردراوە بە بەرزکردنەوەی پلەی ئەو ئەفسەرانەی ناو و پلەکانیان لە لیستی هاوپێچدا هاتووە. لیستەکە لە ئەفسەرێک بە پلەی (عەمید) دەست پێدەکات و بە ئەفسەرێک بە پلەی (مولازم) کۆتایی دێت، کە کۆی گشتییان 518 ئەفسەرە و شایستەی دیاریکراوی خۆیان وەردەگرن.

لە نووسراوەکەدا ئاماژە بەوەش کراوە، پلەبەرزکردنەوەکە بەپێی ماددەی (10) لە یاسای ڕاژە و خانەنشینیی هێزەکانی ئاسایشی ناوخۆی فیدراڵی ژمارە (18)ی ساڵی 2011ـی بەرکار لە هەرێمی کوردستان جێبەجێ دەکرێت، کە لەسەر میلاکی وەزارەتی ناوخۆن و گوزارشت لە خشتەی (9ی کانوونی دووەمی 2026) دەکات. هەروەها بڕیار دراوە بە جێگیرکردنی سوڕانەوەی خزمەت (تەدویر) بۆ بەشێک لەو ئەفسەرانە بۆ پلەی داهاتوویان.