جێگری سەرۆکی ئەمریکا دەڵێت، دۆناڵد ترەمپ نایەوێت بۆ یەک دوو ساڵ بەردەوام بێت لە شەڕ لەگەڵ ئێران و دەشڵێت، بەم نزیکانە لەو شەڕە دێینە دەرەوە و نرخی بەنزین و سووتەمەنیش دادەبەزێتەوە.

جەی دی ڤانس جێگری سەرۆکی ئەمریکا لە چاوپێکەوتنێکدا سەبارەت بە شەڕ لە دژی ئێران رایگەیاند: دۆناڵد ترەمپ دەیەوێت بۆ ماوەیەکی تر درێژە بەو شەڕە بدات، تا لەلاوازبوونی دەسەڵاتی ئێران دڵنیا ببێتەوە.

وتیشی: سەرۆک ترەمپ تا ماوەیەکی دیکە بەردەوام دەبێت، تا ئەو کاتەی دڵنیا بینەوە کە ئەگەر لەم شەڕە بێینە دەرەوە بۆ ماوەیەکی زۆر ئێران ناتوانێت بکەوێتە سەرخۆی و دژمان بجوڵێتەوە. دەبێت بۆ ماوەیەکی زۆر کۆماری ئیسلامی لە کار بخەین و ئامانجەکەشمان هەر ئەمەیە".

جێگری سەرۆکی ئەمریکا جەختیشی کردەوە. " کە ترەمپ لەو بارەوە زۆر روون و راشکاو بووە؛ ئەمریکا نایەوێت بۆ یەک ساڵ یاخود دوو ساڵ لە گەڵ لەگەڵ ئێراندا بمێنێتەوە.".

ئەوەشی خستەڕوو، کە لێکدانەوە بۆ دۆخەکە دەکەن، بەم زووانە لەو شەڕە دەکشێنەوە و نرخی بەنزین و سووتەمەنیش دادەبەزێت".