سەرۆکی ئەمریکا یەکەم کاردانەوەی بەرامبەر بە هەڵبژاردنی رابەڕی نوێی ئایینی ئێران نیشاندا و ئاماژەی بەوەشکرد، بە تەنیا بڕیار لە کۆتایی شەڕەکە نادات.

دۆناڵد ترەمپ سەرۆکی ئەمریکا لە چاوپێکەوتنێکدا لەگەڵ رۆژنامەی ئیسرائیل تایمز باسی لەوەکرد، هەندێک قسەی لەگەڵ بنیامین نەتانیاهوو کردووە و لە کاتی گونجاودا بڕیار دەدەن.

ئەوەشی خستەڕوو کە بڕیاردان لە کۆیتاییهێنان بەشەڕ بە بڕیاری هاوبەشی لەگەڵ نەتانیاهوو دەبێت و سەبارەت بەوەی کە لە ئەگەری راگرتنی هێرشەکانی واشنتن ئایا تەلئەبیب بەتەنیا دەتوانێت درێژە بە شەڕەکە لە دژی تاران بدات، ترەمپ وتی: "پێموانییە پێویست بەوە بکات".

لەبارەی هەڵبژاردنی موجتەبا خامنەیی بە رابەری نوێی ئێران، ترەمپ وتی: "دەبینین چی روودەدات".

پێشتر سەرۆکی ئەمریکا دژایەتی خۆی بۆ هەڵبژاردنی کوڕی خامنەیی وەک جێگرەوەی باوکی نیشاندابوو و رایگەیاندبوو، ئەو بژاردەیە "مایەی قبوڵکردن نییە".