لەم هەفتەیەدا زێڕ بەردەوام بوو لە شکاندنی ڕیکۆرد به‌جۆرێك نرخی هەر ئۆنسەیەک گه‌یشته‌ نزیکەی 4500 دۆلار .

هەواڵ:KNNC 

 هەروەها زیو گەیشتە بەرزترین ئاستی مێژوویی و هەر ئۆنسێک 70 دۆلاری تێپەڕاند و لە ساڵێکدا تا ئێستا زیاتر لە 141% بەرزبوونەوەی تۆمارکردووە، کە لە زۆربەی کانزا بەنرخەکانی دیکەی وەک پلاتینۆم و پالادیۆم باشتر بووە.

 ئەم بەرزبوونەوەیە دەگەڕێتەوە بۆ زیادبوونی خواست لەسەر سەروەت و سامانی پەناگەی سەلامەت لەلایەن وەبەرهێنەرانەوە له‌كاتێكدا دۆخی ئابوریی جیهان  لەناو گرژییە جیۆپۆلیتیکییەکان و چاوەڕوانییەکانی کەمکردنەوەی ڕێژەی سوود لە ئەمریکا گوزه‌ر ده‌كات.

ئارون سەی، گه‌وره‌ ستراتیژیستێکی فرە سەروەت و سامان لە کۆمپانیای پیکتێت دەڵێت: " به‌رزبونه‌وه‌ی خێرای نرخی زێڕ له‌بازاڕه‌كانی جیهان ئەوەمان بیردەخاتەوە کە نیگەرانییە جیۆپۆلیتیکییەکان و ترسی دابەزینی بەهای دراو یەک ئامرازی پاراستنیان هەیە، ئەویش زێڕە."

بەپێی پێشبینییەکانی کۆمپانیای JPMorgan، خواست وداواكاری نوێ لەلایەن کۆمپانیای زەبەلاحی بیمەی چینی و کۆمەڵگەی دراوی دیجیتاڵییه‌وه‌ نرخی کانزا زەردەکە تا کۆتایی ساڵی 2026 بەرەو سەرووی 5055 دۆلارەوە به‌رز ده‌كاته‌وه‌.