به‌پێی راپۆرتێكی (World Population Review) عێراق له‌ڕیزی وڵاتانی عه‌ره‌بیدا له‌پله‌ی هه‌شته‌مدایه‌ له‌به‌رزی رێژه‌ی جگه‌ره‌كێشانی دانیشتوانه‌كه‌ی به‌هه‌ردو ڕه‌گه‌زه‌كه‌یه‌وه‌ .

هەواڵ:KNNC

وه‌ك لە ڕاپۆرتەکەدا هاتوه‌؛ ئوردن لە پلەی یەکەمی وڵاتانی عەرەبیدایە لە ڕێژەی جگەرەکێشان و لەسه‌ر ئاستی جیهانیش له‌ پلەی یازدەهەمدایه‌، لە پلەی دووەمیشدا لوبنان هاتوه‌، دوای ئەویش میسر، جەزائیر، یەمەن، کوەیت و تونس  و عێراقیش پلەی هەشتەمی بەدەستهێناوە.

لە ڕاپۆرتەکەدا  ئاماژه‌ به‌ ڕێژەی جگەرەکێشانی مێینە لە عێراقدا كراوه‌ كه‌ رێژه‌كه‌ی  گەیشتووەتە 14%،و به‌وه‌ش له‌ لە پلەی سێیەمی وڵاتانی عەرەبیدایه‌ لە دوای لوبنان (25%) و ئوردن (14.1%). ڕێژەی جگەرەکێشانی میسر لە 0.3% تێنەپەڕیوە، بەمەش کەمترین ڕێژەی جگەرەکێشان لە جیهانی عەرەبیدا تۆماركردوه‌.

سەبارەت بە ڕێژەی جگەرەکێشان لەنێو پیاواندا، ئوردن پلەی یەکەمی بەدەستهێناوە بە ڕێژەی 58.4% و میسر بە ڕێژەی 51.2% و لوبنان بە ڕێژەی 43.3%، عێراق پلەی حەوتەمی وڵاتانی عەرەبی بەدەستهێناوە بە ڕێژەی 36.9%.