لە سیانزەهەمین کارواندا نزیکەی 250 خێزان لە کامپی هۆلەوە گەڕێندرانەوە عێراق و تا ئێستا بە هەزاران کەس لەنێو کامپەکەدا ماونەتەوە.

هەواڵ:KNNC

بەڕێوەبەریی کامپی هۆل لە ڕاگەیەندراوێکدا ڕایگەیاند: لە چوارچێوەی گەڕاندنەوەیان بۆ وڵاتەکانیان و بە هاوکاریی وەزارەتی کۆچ و کۆچبەرانی عێراق 249 خێزانی نێو کەمپەکەیان گەڕاندوەتەوە عێراق.

لە ڕاگەیەندراوەکەدا بەڕێوەبەرییەکە ئاماژەی بەوەشداوە ئەو 249 خێزانە پێکدێن لە 840 کەس و کاروانەکەش سیانزەهەمین کاروانی گەڕاندنەوەی خەڵکانی نێو کامپەکەیە بۆ عێراق.

کامپی هۆل دەکەوێت حەسەکەی ڕۆژئاوای کوردستان، کە خێزان و ژن و منداڵی چەکدارانی داعشی تێدا نیشتەجێکراون، کامپەکە لەژێر چاودێری و ئاساییشی شەڕڤاناندایە، تا ئێستا زیاتر لە 27 هەزار کەسی تێداماوە و کە هاووڵاتی وڵاتانی جیاوازن، کامپەکە بە یەکێک لە کامپە مەترسیدارەکانی جیهان دادەنرێت....