دەستەی کەشناسی عێراق بڵاویکردەوە، شەپۆلێکی تۆز و خۆڵ ناوچە جیاوازەکان دەگرێتەوە و پلەکانی گەرما نزم دەبنەوە.

هەواڵ:KNNC

ئەمڕۆ یەکشەممە، دەستەی کەشناسی عێراق بڵاویکردەوە، سبەینێ دوشەممە ئاسمان کەمێک هەوردەبێت و خۆڵبارین لە زۆربەی شارەکانی عێراق دەستپێدەکات.

ئاماژەی بەوەشکردوە، رۆژی سێشەممە ئاسمان ساماڵ دەبێت هەروەها شەپۆلی تۆز و خۆڵ هاوشێوەی رۆژی دوشەممە دەبێت.

دەشڵێت: رۆژی پێنجشەممە کەشوهەوا لە ناوچەکانی ناوەڕاست و باشور ڕون دەبێتەوە و لە ناوچەکانی باکووریش نیمچە هەور دەبێت، پلەکانی گەرما هاوشێوەی ڕۆژانی پێشوتر دەبێت.