بەیانی ئەمڕۆ ئاگر لە پاڵاوگەی بێجی کەوتەوە و تا ئێستا زەرەر و زیانەکان ئاشکرا نەکراون.

هەواڵ:KNNC

بەڕێوەبەرایەتی بەرگری شارستانی سەڵاحەدین بڵاویکردەوە، تەقینەوەیەک لە فڕنی یەکەی 109 لە ناو پاڵاوگەی بێجی کەتوەتەوە کە بە پاڵاوگەی رۆن ناسراوە.

ئاماژەی بەوەشکردوە، تیمەکانی ئاگرکوژێنەوە لەماوەیەکی کەمدا چونەتە شوێنی ئاگرەکە و توانیویانە کۆنتڕۆڵی بکەن  و رێگری بکەن لەوەی زیان بە یەکەکانی دیکەی بەرهەمهێنانی ناو پاڵاوگەکە بکەوێت.

لێکۆڵینەوەکان لە هۆکاری کەوتنەوەی ئاگرەکە دەستیانپێکردوە، تا ئێستا قەبارەی زەرەر و زیانەکان ئاشکرا نەکراون.

پاڵاوگەی بێجی بە گەورەترین پاڵاوگەی پیترۆکیمیایی عێراق هەژمار دەکرێت و توانای بەرهەمهێنانی بە 310 هەزار بەرمیلی ڕۆژانەیە.