پسپۆڕێكی ئابوری لە پەیمانگای گایدار بۆ سیاسەتی ئابوری، پێشبینی دەكات سەرباری ململانێی نێوان هندستان و پاکستان بەڵام نرخی زێڕ لە ماوەیەکی نزیک دادەبەزێت.


ئابوری: (KNNC)


کیریل چێرنۆڤۆڵ، مامۆستا و پسپۆڕی ئابوری پەیمانگای گایدار بۆ سیاسەتی ئابوری رایگەیاند: سەرباری ئەوەی كە ململانێكانی نێوان هندستان و پاكستان بەردەوامە.، بەڵام لەو زیاتر كاریگەری لەسەر بەرز بونەوەی نرخی زێڕ نابێت، بەپێچەوانەوە چاوەڕێ دەكرێت نرخەكەی لە ماوەیەكی نزیكدا داببەزێت.


وتیشی: بەپشتبەستن بە خواست و كاردانەوەكانی بازاڕ لەسەر زێڕ، پێشبینی دەكرێت كە نرخەكەی لە سێ هەزار و (430) بۆ سێ هەزار و (300) دۆلار بۆ ئۆنسێك داببەزێت.


پسپۆڕە ئابورییەكەی پەیمانگای گایدار ئاماژەی بۆ ئەوەشكرد، دوای ئەوەی ئێوارەی رۆژی سێشەممە، نرخی زێڕ بەڕێژەی لە (3%) بەرزبویەوە و نرخەكەی گەیشت بە سێ هەزار و (422) دۆلار و (80) سەنت، ئەمڕۆ نرخەكەی دابەزینی بەخۆیەوە بینیوە، بۆیە ئەگەری دابەزینی نرخی زێڕ لە ماوەیەکی نزیکدا هەیە.