له‌ گوندی بوداكڵی سەربە پارێزگای (وان)ى باکورى کورستان، گامێش و ئه‌سپەکان له‌و حه‌وزه‌دا ده‌شۆردرێن كه‌ پله‌ی گه‌رمای ئاوه‌كه‌ی (40) پله‌ی سه‌دیه‌.

به‌هۆی سه‌رماوسۆڵه‌ی زستانه‌وه‌ گامێش و ئەسپەکان له‌ تەویلەكان ده‌رناكرێن ناو به‌ ناو ده‌برێن له‌و حه‌وزه‌دا ده‌شۆردرێن.

حه‌وزه‌كه‌ كه‌ حه‌وت كیلۆمه‌تر له‌ گونده‌كه‌ دووره‌ له‌ هاویناندا له‌لایه‌ن ئه‌و كه‌سانه‌وه‌ به‌كارده‌هێندرێت كه‌ به‌دوای شیفادا ده‌گه‌ڕێن و له‌ زستانانیشدا له‌لایه‌ن ئه‌و كه‌سانه‌ی ده‌یانه‌وێت گامێش و ئه‌سپه‌كانیان بشۆن.

له‌ كاتێكدا پله‌ی گه‌رما له‌ گونده‌كه‌ (20) پله‌ی ژێر سفری سه‌دی دابه‌زیوه‌، به‌هۆی سه‌رما و سۆڵه‌وه‌ خاوه‌ن ئاژه‌ڵه‌كان ناتوانن گامێش و ئه‌سپه‌كانیان ببنه‌ ده‌ره‌وه‌، به‌ڵام جار جار ده‌یانبه‌ن بۆ ئه‌و حه‌وزه‌ كه‌ به‌ به‌فر ده‌وره‌دراوه‌ و پله‌ی گه‌رمی ئاوه‌كه‌ی (40) پله‌یه‌ و بۆ ماوه‌ی سێ كاتژمێر تیایدا ده‌یانهێڵنه‌وه‌ و ده‌یانشۆرن.

گه‌نجانی گونده‌كه‌ به‌بێ گوێدانه‌ كه‌شوهه‌واری ساردی ناوچه‌كه‌ كاتێک گامێش و ئه‌سپه‌كان ده‌خه‌نه‌ حه‌وزه‌كه‌وه‌، خۆشیان له‌سه‌ر پشتیانه‌وه‌ به‌ ته‌قله‌ خۆیان فڕێده‌ده‌نه‌ ناو حه‌وزه‌كه‌وه‌، ئه‌وه‌ش دیمه‌نێكی جوان و سه‌رنجڕاكێشی دروست كردووه‌.

فۆتۆ؛ AA