لە پارێزگاى سەڵاحەدین داعش هێرشیکردە سەر سوپاى عێراق

KNN : Kurdish News Network
07:07 - 27/10/2021
عێراق

هێرشێکى چەکدارانى داعش بۆ سەر خاڵێکى سوپاى عێراق لە پارێزگاى سەڵاحەدین چوار قوربانى لێکەوتەوە.

میدیاکانى عێراق بڵاویانکردەوە، چەکدارانى داعش هێرشیان کردەوەتە سەرخاڵێکى پشکنین لەسەر رێگاى نێوان پارێزگاى سەڵاحەدین و قەزاى حەدیسە.

بەپێى زانیاریەکان، هێرشەکە کوژرانى دوو سەرباز و برینداربوونى دوو سەربازى دیکەى لێکەوتوەتەوە.

ئەو هێرشە لە کاتێکدایە شەوى رابردووش چەکدارانى داعش هێرشیانکردە سەر گوندى رەشاد لە سنورى پارێزگاى دیالە و لە ئەنجامدا (15) کەس کوژران و (15) کەسى دیکەش برینداربوون.

86 جار خوێندراوەتەوە