ترەمپ، جینپینگ و پوتین لە کۆبوونەوەی سێ قۆڵیدا پەیامی خۆیان راگەیاند

KNN : Kurdish News Network
11:55 - 19/11/2026
جیهان
+
-

لووتکەی سێقۆڵیی چین، ڕووسیا و ئەمەریکا بۆ یەکەمجار لە شاری شنجن دەستی پێ کرد و سەرۆکی ئەمەریکاش لە کۆبوونەوەکەدا جەختی لە ڕێگریکردن لە دەستڕاگەیشتنی ئێران بە چەکی ئەتۆمی و کەمکردنەوەی مەترسییە ئەتۆمییەکان کردەوە.

 

ترەمپ، سەرۆکی ئەمەریکا ڕایگەیاند، بە کۆبوونەوەی ئەمەریکا، ڕووسیا و چین بۆ یەکەمجار لەم لووتکە مێژووییەدا مێژوو تۆمار دەکەن و دەرفەتێکیان بۆ دەڕەخسێت تا ئاسۆی نوێ بۆ هەمووان تاوتوێ بکەن. ئاماژەی بەوەش دا بەرپرسیارێتییەکی تایبەتیان لەسەر شانە بۆ پاراستنی گفتوگۆیەکی بەرهەمدار و کراوە کە کاریگەریی لەسەر گەلەکانیان و جیهان هەیە.

 

سەبارەت بە دۆسیەی ئەتۆمی، سەرۆکی ئەمەریکا جەختی کردەوە پێویستە مەترسییەکانی بەکارهێنانی چەکی ئەتۆمی لە جیهاندا کەم بکرێنەوە و دەرفەتیان هەیە گفتوگۆ لەسەر چۆنیەتیی کەمکردنەوەی بەکارهێنانی ئەو چەکە بکەن. هاوکات هاوکاریی بۆ ڕووبەڕووبوونەوە و ڕێگریکردن لە هەڕەشەکانی بڵاوبوونەوەی چەکی ئەتۆمی بە جەوهەری ناوبرد و وتی: "ڕێگە بە ئێران نادەین ببێتە خاوەنی چەکی ئەتۆمی."

 

لەلای خۆیەوە، شی جینپینگ، سەرۆکی چین، لووتکەکەی بە خاوەن گرنگییەکی مێژوویی و وەرچەرخان وەسف کرد و ڕایگەیاند: "جیهان لە ئاشتیدا دەبێت کاتێک زلهێزەکان بە هاوسەنگی و تەبایی پێکەوە بژین." هەروەها جەختی کردەوە ناخۆشی و قەیرانەکان بەرپرسیارێتیی ڕاستەقینە دەردەخەن و داوای کرد هەرسێ وڵات پێکەوە کار بکەن بۆ ڕووبەڕووبوونەوەی ئاستەنگ و قەیرانە جیهانییەکان.

 

هاوکات سەرۆکی ڕووسیا لە میانی لووتکەکەدا دووپاتی کردەوە بەرپرسیارێتییەکی هاوبەشیان لە پاراستنی ئاسایش و ئاشتیی نێودەوڵەتیدا لەسەر شانە و ڕایگەیاند، لە ئەگەری هاوکاریکردنیاندا دەتوانن ڕۆڵ لە بەهێزکردنی ئاشتی و سەقامگیریدا بگێڕن.

99 جار خوێندراوەتەوە