بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی کەشوهەوای بۆ ٤٨ کاتژمێری داهاتوو بڵاوکردەوە و ئاماژە بە جێگیریی کەشوهەوا و بەرزبوونەوەی پلەکانی گەرما دەکات
بەپێی پێشبینییەکان، کەشوهەوای ئەمڕۆ شەممە بەگشتی ساماڵ و پەڵەهەور دەبێت و لە دوای نیوەڕۆوە دەگۆڕێت بۆ نیمچەهەور، هاوکات پلەکانی گەرما بەراورد بە تۆمارەکانی دوێنێ یەک بۆ دوو پلەی سیلیزی بەرز دەبنەوە
بۆ سبەینێ یەکشەممە، کەشناسیی هەرێم پێشبینی دەکات ئاسمان بەگشتی ساماڵ بێت و پلەکانی گەرماش نزیک بن لە تۆمارەکانی ئەمڕۆوە. بەرزترین پلەی گەرمای پێشبینیکراو لە گەرمیان دەبێت کە ٢٤ پلەی سیلیزییە و نزمترینیش لە حاجی ئۆمەران دەبێت بە ١٤ پلە.
85 جار خوێندراوەتەوە