بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی کەشوهەوای بۆ 48 کاتژمێری داهاتوو بڵاوکردەوە و ڕایدەگەیەنێت؛ ئەگەرەکانی نمەباران و تاوەباران لە هەندێک ناوچە بەردەوام دەبن.

بەپێی پێشبینییەکان، ئەمڕۆ شەممە ئاسمان لەنێوان پەڵەهەور و نیمچەهەوردا دەبێت، هاوکات ئەگەری نمەبارانێکی کەم لە هەندێک کاتدا لە سنووری پارێزگاکانی سلێمانی و هەڵەبجە و بەشێک لە ئیدارەی گەرمیان هەیە. پلەکانی گەرماش نزیک دەبن لە تۆمارەکانی دوێنێ، کە گەرمیان بە 30 پلە و حاجی ئۆمەران بە 15 پلە بەرزترین و نزمترین پلەی گەرمییان تێدا تۆماردەکرێت.

بۆ سبەی یەکشەممە، کەشناسی پێشبینی دەکات پلەکانی گەرما بەراورد بە ئەمڕۆ (1 بۆ 2) پلەی سیلیزی بەرز ببنەوە. ئاسمان بە نیمچەهەوری دەمێنێتەوە و لە کاتەکانی ئێوارەشدا ئەگەری تاوەبارانی کورتخایەن لە سنووری سلێمانی، هەڵەبجە و دەوروبەریان هەیە.