شاهین فوئاد- هەولێر

موقەدەم کیفاح حەسەن، وتەبێژی بەڕێوەبەرایەتیی پۆلیسی هەولێر بە کەی ئێن ئێنی ڕاگەیاند، شەوی ڕابردوو لە یەکێک لە چێشتخانەکانی شاری هەولێر، منداڵێکی تەمەن یەک ساڵ و نۆ مانگ کەوتووەتە ناو نافورەی چێشتخانەکەوە و بەهۆیەوە گیانی لەدەستداوە.

بە وتەی وتەبێژی پۆلیسی هەولێر، ڕووداوەکە کاتژمێر 12ی شەوی ڕابردوو ڕوویداوە و دوای گواستنەوەی تەرمی منداڵەکە بۆ پزیشکی دادی، ڕادەستی خانەوادەکەی کراوەتەوە.

ئاماژەی بەوەش کرد، پەڕاوی لێکۆڵینەوە بۆ ڕووداوەکە کراوەتەوە و لێکۆڵینەوەکان لەوبارەیەوە بەردەوامن، لە ئێستاشدا پۆلیس چاوەڕێی دەرچوونی ڕاپۆرتی پزیشکی داد دەکات.

ئەو منداڵە ناوی یاس بیلالەوە و ئەمڕۆ یەکەم رۆژی پرسەکەیەتی لە مزگەوتی جەلیل خەیاتی هەولێر.