سەرۆکی پەرلەمانی ئێران ڕایگەیاند، هاوکێشەیەکی نوێ لە گەرووی هورمز لە قۆناغی چەسپاندندایە و ئەمەریکا و هاوپەیمانەکانی ئاسایشی دەریاوانییان خستووەتە مەترسییەوە، جەختیش دەکاتەوە کە هێشتا تاران دەستی پێنەکردووە و بەردەوامیی دۆخەکە بۆ واشنتۆن جێگەی بەرگەگرتن نابێت.

محەمەد باقر قاڵیباف، سەرۆکی پەرلەمانی ئێران لە لێدوانێکدا ڕایگەیاند: "هاوکێشەی نوێی گەرووی هورمز لە قۆناغی جێگیربووندایە. ئاسایشی کەشتیوانی و گواستنەوەی وزە لەلایەن ئەمەریکا و هاوپەیمانەکانییەوە، بەهۆی پێشێلکردنی ئاگربەست و سەپاندنی گەمارۆوە خراوەتە مەترسییەوە، بەڵام بێگومان شەڕانگێزییەکەیان کۆتایی پێدێت."

لە بەشێکی دیکەی وتەکانیدا، قالیباف ئاماژەی بەوە کردووە: "زۆر باش دەزانین کە بەردەوامیی دۆخی ئێستا بۆ ئەمەریکا جێگەی بەرگەگرتن نییە، لە کاتێکدا ئێمە هێشتا تەنانەت دەستیشمان پێنەکردووە."