چوار ئەندامی تیمەکەی هەڵبژاردەی ئێران لە ئوسترالیا بڕیاریاندا داواکارییەکانیان هەڵبوەشێننەوە و بگەڕێنەوە بۆ ئێران

میدیاکانی ئێران ڕایانگەیاند لە کۆی ئەو حەوت یاریزان و ئەندامانەی هەڵبژاردەی خانمانی ئێران کە لە ئوسترالیا داوای مافی مانەوەیان کرد چوار کەسیان بڕیارییاندا بگەڕێنەوە بۆ ئێران و مافی مانەوە ڕەتبکانەوە

میدیاکانی ئێران دەڵێن دوای ئەوەی سەرەتا موحەدەسە زۆلفی بڕیاری گەڕانەوەی دا، ئێستا سێ ئەندامی تری تیمەکەش بە ناوەکانی مۆنا حەموودی، زەهرا سەربەلی و زەهرا مەشکەکار (دوو یاریزان و ئەندامێکی کادری تەکنیکی) هەمان بڕیاریان داوە و لە ڕێگەی مالیزیاوە بەرەو تاران بەڕێکەوتوون

هەڵبژاردەی خانمانی ئێران دوایی بەشداریکردن لە پاڵەوانێتییەک لە ئوسترالیا ، لە یارییەکاندا و لە کاتی وتنی سرودی نیشتیمانی ئێراندا بەشێک لە یاریزانەکان بێ دەنگ بوون ئامادە نەبون سرودی نیشتیمانی ئێران بڵێنەوە

ئەمەش دەنگدانەوەیەکی گەورەی دروست کرد ، میدیا و بەرپرسە ئێرانیەکان بە ناپاک وەسفی یاریزانەکانیان کرد

لە دوایی ئەم ڕووداوانە حەوت ئەندامی تیمەکە داواکاری پەنابەرییان پێشکەشی ئوسترالیا کردبوو، بەڵام پاش چەند ڕۆژێک ٤ یاریزان و ئەندامی هەڵبژاردەکە بڕیاری گەرانەوەیاندا بۆ وڵاتی ئێران