سوپای پاسداران هۆشداری دەداتە حکومەتی هەرێم،
لەبارەی هاوکاریکردنی هێزە بەرهەڵستکارەکانی تاران لە جێگیربوونیان لەسەر سنوور.
لە نوێترین راگەیەندراویدا سوپای پاسدارانی
شۆڕشی ئیسلامی ئێران باسی لەوەکردووە: جموجۆڵی دوژمنان و هێزە بەرهەڵستکارەکان لە
پارێزگای کوردستانمان خستووەتە ژێر چاودێرییەوە و رێگە بە هیچ جۆرە مەترسییەک
نادەین.
راشیگەیاندووە: سنوورەکانی باکوور و باکووری رۆژئاوای
وڵاتەکەیان بە تەواوەتی توندوتۆڵن و هێزەکانیان لەو پەڕی ئامادەباشیدان.
لە بەشێکی دیکەی راگەیەندراوەکەیدا سوپای
پاسداران هۆشداری توندی داوەتە حکومەتی هەرێم و رایگەیاندووە: "کە هەر چەشنە
هاوکاری و ئاسانکارییەکیان بە ئاراستەی بڵاوکردنەوەی هێزە بەرهەڵستکارەکان لەسەر
سنوور، رووبەڕووی بەرپەرچدانەوەی توند دەبێتەوە.
پێشتریش پەیوەندییەکانی سوپای پاسداران
بڵاویکردبووەوە، کاتژمێر 4:30 خولەکی بەرەبەیانی ئەمڕۆ یەکەی مووشەکی سوپاکەیان 3
خاڵی هێزە بەرهەڵستکارەکانی لەناو خاکی هەرێم کردووەتە ئامانج.
258 جار خوێندراوەتەوە