بە ڕێوبەرایەتی کارەبای سلێمانی ڕایگەیاند کارەبای چەند شوێنێکیان بڕیوە کە هەندێکیان بە هۆی قەرزەوە کارەباکانیان بڕدراوە

هەواڵ:  KNN

بەڕێوەبەرایەتی دابەشکردنی کارەبای سلێمانی/ ڕۆژهەڵات، ڕاگەیەندراوێکیان بڵاویان کردوەتەوە کە  هەڵمەتێکی فراوانیان لە چەند ناوچەیەکی شارەکە ئەنجامدا وەو کارەبای چەند شوێنێکیان بڕیوە 

بەپێی ڕاگەیەندراوەکەیان  هەڵمەتەکە ناو بازاڕی شاری سلێمانی، گەڕەکی سابونکەران و گەڕەکی کازیوەی گرتووەتەوە. تێیدا ژمارەیەک شوێن بەهۆی دەستکاریکردنی پێوەری کارەبا و ئەنجامدانی سەرپێچی، کارەباکانیان بڕدراوە و بەپێی یاسا و ڕێنماییەکان غەرامە کراون.

هەر لەو هەڵمەتەدا، تیمەکانی کارەبا کارەبای چەند شوێنێکی تریان بڕیوە کە خاوەنەکانیان قەرزی کۆن و کەڵەکەبووی کارەبایان لەسەر بووە و لە کاتی دیاریکراودا نەیاندابووەوە.

بەڕێوەبەرایەتی دابەشکردنی کارەبای سلێمانی جەخت دەکاتەوە کە ئەم بەدواداچوونانە بەردەوام دەبن بە مەبەستی پاراستنی سامانی گشتی و ڕێگریکردن لە بەفیڕۆدانی وزەی کارەبا، داواش لە هاوبەشانی کارەبا دەکەن پابەندی ڕێنماییەکان بن و دوور بکەونەوە لە دەستکاریکردنی پێوەرەکان بۆ ئەوەی دووچاری سزای دارایی و یاسایی نەبنەوە