نرخی دۆلار بەشێوەیەکی بەرچاو بەرزبوویەوە و لە دوێنێوە نزیکەی هەزار و 500 دینار چووەتەسەر نرخەکەی.

هەواڵ:KNNC

ناجێگیری نرخی دۆلار بەردەوامە و ئەمڕۆ لە کاتی کردنەوەی بازاڕدا هەر 100 دۆلارێک بەرامبەربوو 147 هەزار و 500 دینار و دواتر بۆنزیک بە 148 هەزار دینار بەرزبوویەوە.

ئەوەش لە کاتێکدایە دوێنێ نرخی 100 دۆلار 146 هەزار و 600 دینار بوو، واتا لە دوێنێوە نزیکەی هەزار و 500 دینار چووتە سەر نرخەکەی.

لەگەڵ ئەوەی نرخی دۆلار بەشێوەیەکی گشتیی بەو جۆرەیە و نرخە فەرمییەکەشی گۆڕانکاریی بەسەردا نەهاتوە، کەچی لە ئاڵوگۆڕگەکاندا نرخەکەی جیاوازە دەچێتە سەرو ئەو نرخەش.

لە سەرەتای ساڵەوە بەهای دینار بەشێوەیەکی چاوەڕواننەکراو ڕووی لە ناجێگریی کردوە، لەگەڵ ئەوەشدا لەوکاتەوە نزیک بە 5 هەزار دیناری لە بەهاکەی لەدەستداوە...