وەزارەتی دەرەوەی ئێران دەڵێت بە لەبەرچاوگرتنی ئەزمونەکانی ڕابردوەوە پابەنددەبن بە دیپلۆماسییەت و دەبێت ئەمەریکا سەربەخۆ مامەڵەبکات نەک لەژێر هەژموونی بریاری لایەنی دیکەدابێت.

هەواڵ:KNNC


ئیسماعیل بەقائی وتەبێژی وەزارەتی دەرەوەی ئێران لەبارەی دانوستانەکانی نێوان تاران و واشنتن ڕایگەیاند: ئێران بە لەبەرچاوگرتنی ئەزموونە نەرێنییەکانی ڕابردویەوە دەجیتە نێو هەردانوستانێک و پابەندبوونیشی هەر لەسەر هەمان بنەمایە و لەپێناو گەلی ئێراندا دەبێت.


لەبارەی ئەمەریکاشەوە ئاماژەی بەوەداوە، یەکێک لە کێشەکانی ئەمەریکا ئەوەیە کە لەژێرباری خواستەکانی ئیسرائیلدایە و دەبێت ئەمەریکا بەرژەوەندییەکانی خۆی لە ناوچەکە لەبەرچاوبگرێت و سەربەخۆ مامەڵە بکات بەدور لە هەژموونی لایەنی دیکە.

بەقائی لەبارەی ئیسرائیلیشەوە وتی، ئیسرائیل بەبێ ئەمەریکا هیچ جوڵەیەک ناکات و تاران کاردانەوەی توند و یەکلاکەرەوە و چارەنوسسازی بۆ هەر هێرشێک دەبێت کە لە هەر لایەکەوە بکرێتەسەری.

سەبارەت بە پرسی ڕێککەوتنیش وەزارەتی دەرەوەی وڵاتەکە ئاماژەی بەوەکردوە کە تاران بەپەرۆشە بۆ هەر ڕیککەوتنێک کە هەڵگرتنی سزاکانی تێدا بەرجەستەببێت...