نوێکردنەوەی فۆڕمی مامۆستایانی گرێبەست بەردەوامە و نوێنەری گشتیش دەڵێت دەرفەتە بۆ دامەزراندن.

هەواڵ:KNNC

عەلی ڕەئووف نوێنەری گشتیی مامۆستایانی گرێبەست ڕایگەیاند: لە چەندین پەروەردە گرێبەستی مامۆستایانی گرێبەست نوێ کراوەتەوە پاڵپشت بە نووسراوی رێنمایی وەزارەتی دارایی ئابووری ژمارە 10ی ساڵی 2019 تا کۆتایی ئەم مانگە بەردەوام دەبێت و لەدەوای ئەو وادەیە کۆتایی دێت.

ناوبراو ئاماژەی بەوەشداوە، مامۆستایان بۆ پڕکردنەوەی فۆڕمەکە، پێویستیان بە دوو کۆپی کارتی نیشتمانییە لەگەڵ پڕکردنەوەی بەڵێننامە، پڕۆسەکە دەرفەتە بۆ دامەزراندن.

ژمارەی مامۆستایانی گرێبەست 42 هەزار و 23 مامۆستایە، کە 37 هەزار و 933مامۆستایان سەر بە وەزارەتی پەروەردەن و چوار هەزار و 100 مامۆستایان سەر بە وەزارەتی خوێندنی باڵان.