ژیان عومەر ئەو پەرلەمانتارەی لەنێو کەناڵی جەزیرە و لە بەرنامەکەی فەیسەڵ قاسم ئاڵای کوردستانی بەرزکردەوە لەبارەی بەرنامەکەوە چەندین نهێنی و نەزانرانی ئاشکراکرد و دەڵێت ئامانج ئەوەیە هەموو کوردێک فەیسەڵ قاسم بناسێت.

دەقی قسەکانی ژیان عومەر:

كەناڵی جەزیرە ! و رووداوەكانی پشت پەردە !
بۆ ئەوەی هەموو كوردێك، فەیسەڵ قاسم بناسێ !


رۆژی یەك شەممە گەیشتمە دەوحە، لەگەڵ خۆمدا دۆسیەكانی پرسی كوردم پێبوو، ئاڵای كوردستان و پرسی دیموكراسی لە سوریا بۆ هەموو سورییەكان. 

رۆژی دوو شەممە كاتی تۆمار كردنی زنجیرەكە بوو لە كاتژمێر پێنجی ئێوارە، و رۆژی سێ شەمەش كاتی پەخش كردنی بوو، رەزامەندی من لە بەشداری كردنەكەدا مەرجەكەی روون بوو كە كات بە  شێوەیەكی دادگەر دابەش بكرێت، و هیچ بەشێكی لێ نەپچڕینرێ لە كاتی مۆنتاژدا، لە پەیوەندیەكی دورودرێژدا لەگەڵ فەیسەڵ قاسم رۆژێك پێش تۆمار كردن (سوێندی بەشەرەفی خوارد پەیوەست بێت بە پیشەیی بوونەوە) كەچی بەداخەوە؛ پەیوەست نەبوو. 
چووینە بارەگای كەناڵەكە، گفتوگۆیەكی سەرەتاییمان كرد دەربارەی زنجیرەكە، فەیسەڵ قاسم بە هەبوونی ئاڵای كوردستان رازی نەبوو، بەوەی سیاسەتی كەناڵەكە قبوڵی نیە. بە روونی پێم گوت: ئەگەر رێگەم پێنەدەن ئاڵاكە بەرز بكەمەوە بەشداری ناكەم و هەر ئەمرۆ دەگەڕێمەوە بۆ بەرلین. ئەم ئاڵایە هی هەموو گەلی كوردستانەو یاساییە، هەروەتر بە گوێرەی دەستوری دانپێدانراوی عێراقی ئاڵای هەرێمی كوردستانە و دەخرێتە دەستووری سوریاوە. ئەگەر بەراستی سیاسەتی جەزیرە رێگە بە بەرزكردنەوەی نادات، ئێستا داوای ئامادە بوونی بەڕێوەبەری كەناڵەكە دەكەم و لێی دەپرسم: بۆچی رێگری دەكەن لە هەڵكردنی ئاڵایەك كە دەستووری عێراقی دانی پێدا ناوە؟ 

دوای چەندین هەوڵدان لەلایەن پێشكەشكاری بەرنامەوە بۆ ئەوەی رازی بم بەوەی ئاڵاكە دانەنێم و پەیوەست بوونم بە هەڵوێستەكەمەوە جۆرێك لە شڵەژان دروست بوو پێش ئەوەی بچینە نێو بەرنامەكە. لەگەڵ سوور بوونم بە نابەدڵیەوە قبوڵی كرد، بۆ ئەوەی دواتر روون بێتەوە كە هەڵوێستەكەی پێشكەشكار شەخسیە، جونكە دەترسا لەوەی دەسەڵاتی دیمەشق و ئەنقەرە پێی قەڵس بن. لە كۆتاییدا رێككەوتین لەسەر تۆمار كردنی بەرنامە، بەمەرجی ئەوەی هیچ بەشێكی لێ نەبڕدرێت و وەعدی شەرەفیان پێدام (كەچی وەك لە دواییدا دەركەوت پەیوەست نەبوون بە وەعدەكەیان).

دانیشتنم لەبەرامبەر كورسی دیاری كرا لەگەڵ ئەوەی دەمویست لەسەر كورسیەكی دیكە دابنیشم، كەچی پێشكەشكار سور بوو لەسەر ئەوەی هەردوو كورسیەكە بەو شێوەیە بێت چونكە گۆشەی وێنەگرتنەكە وا دیاری كرا كە میوانەكەی دیكە باشتر لە زووم دەربكەوێت، هەروەها بە روونی یاری بە نمرەی دەنگ دەكرا بەوەی دەنگی میوان زۆر لەوەی من بەرز تر بوو. 

هەمووان بینییان، لایەنگیری روون هەبوو، بەڵكو فەیسەڵ چووبوە پاڵ هاوپەیمانی زوڕناژەنی دەسەڵات، لەگەڵ بەردەوامی پێبڕین و رێگە نەدان بۆ گەیاندنی  بیرۆكەكانم، پێبڕینەكان بە من بە شێوەیەك بوو یەكەم رستەی بە گاڵەتەجاڕی دەست پێكرد. بەمەشەوە نەوەستان و مۆنتاژییان بۆ بەرنامەكە كرد و چەندین رستەیان سڕیەوە، لەوانە كاتێ زوڕناژەنی دەسەڵاتی دیمەشق هەوڵیدا ئیهانەی جەنگاوەرە ژنەكان بە قسەی پیس بكات، بە حەرفی پێم گوت: (ئەگەر بێ دەنگ نەبیت زەوی ستۆدیۆكەت پێ دەسڕم، یان جورئەت بكەی قسە بەو جەنگاوەرە ژنانە بكەی رزگاری كردن لەدەست داعش كە ژنەكانی بە كەنیزەك دەبرد و رەواجی بە زەواجی نیكاح دەدا لەگەڵ شەڕكەرە بیانیەكان).
هەروەتر، ئەو بەشەیان سڕیەوە كە ئاماژەم بۆ ئەوە كردبوو : دەسەڵاتی راگوزەر سوریای كردۆتە باخچەی پشتەوەی عوسمانی، و هاكان فیدان بە فیعلی وەزیری دەرەوەی سوریایە، و شەیبانی تەنها جانتای بۆ هەڵدەگرێ. سەرەڕای بەشێكی دیكە كە پەیوەندی بە شێخ هیجریەوە هەبوو، باسم لەوە كرد كە رووداوەكان سەلماندیان هەڵوێستەكانی سەرەتای زۆر راست بوو كاتی گوتی : ئەم حكومەتە داعشییە. 

بەرنامەكە و كەناڵی جەزیرە پیشەیی بوون و ئەخلاقی رۆژنامەوانییان ناشتوە، و بەچوونی فەیسەڵ بۆ بەرەی میوانەكەو پشتیوانی كردنی ئەو، لاوازی هەڵویست و پاساوەكانی بە روونی دەرخست بۆ پشتیوانی كردنی زوڕناژەنی دەسەڵات و بەهێز كردنی هەڵوێستی لاوازیان لاوازیی دەسەڵاتی كاتییان، لە بەرامبەردا عەدالەتی پرس و هێڤی هەڵوێستی ئێمەی سەلماند. 

سەركەوتنی راستەقینە لە بەرزكردنەوەی ئاڵای كوردستاندا بوو لە نێو ماڵی نمایشكەرێكدا، لەگەڵ ئەوەی هەموو توانای خۆم خستەگەڕ بۆ گەیاندنی ژمارەیەك لە پەیامەكانی گەلەكەمان و ئەوەی تەواوی بەرنامەكەی بینیبێ دەزانێ پەیامی زۆرم گەیاند لەگەڵ ئەوەی چارەكێك كاتی میوانی بەرامبەرم پێ رەوا نەبینرا. ئەمەش شەرەفە بۆ من كاتێ دوو كەس یەكدەگرن بۆ بەهێز كردنی هەڵوێستیان و ترسانیان لە پرسی گەلەكەمان، شكستێكیشە بۆ ئەوان و ئەو بەرنامەیەی متمانەی لە دەست داوەو بۆتە دەستشۆری شۆردنەوەی تیرۆرو رەواجدان بە فكری داعشی.

تێبینی: دوای بەرنامەكە لە نێوان هەرسێكماندا گفتوگۆیەك دروست بوو، فەیسەڵ دەیوست هەڵوێستی خۆم بگۆڕم، گوتی : ژیان تەماشاكە : سوەیدا و كەس و كارم هێرش دەكەنە سەرم و گوشارم لێدەكەن، بەڵام من هەڵوێستی خۆم ناگۆڕم و لەگەڵ لایەنی راست و دەسەڵات وەستاوم، تۆش بەرهەڵستكارێكی رژێمی پێشووی و پێویستە لەگەڵ ئەو دەسەڵاتە بوەستی كە چاوەڕێت دەكات، من ئامادەم بە شەخسی لەگەڵت بێم بۆ دیمەشق و لە قەسری سەرۆكایەتی پێشوازیت لێ بكەم، پێم گوت: ئەی كۆمەڵكوژیەكانی سوەیدا چی؟ گوتی: هۆكارەكەی شێخی هیجری بوو(هەرچی قسەی پیس و ناشیرین هەبوو بە زاریدا هات، بە خێزانی ، دایكی خوشكی ، قسەكان بەجۆرێك بوون جەستەی دەلەرزان، دەتگوت قسەی شەقامەكانە و دواتر داوای لێبوردنی لە زوڕناژەنەكەی داعشی بەسام كرد لەوەی ئەو وشە ناشیرینانەی لە حزوری ئەو بەكارهێناوە و پاشاوی هێنایەوە بەوەی هیجری قابیلی ئەو جنێوانەیە و موستەحەقە چونكە چەندین وەزارەت بۆ دروزەكان پێشنیار كراو ئەو رەتی كردەوە و لەگەڵ رێگرو بازرگانانی ماددەی هۆشبەر كار دەكات. 

ئینجا بۆم دەركەوت كە فەیسەڵ قاسم كاتێ سەردانی قەسری كۆماری كردوە، وەعدی داوە بەشەرع دروزەكان راكێشێتە نێو دەسەڵاتی كاتییەوە بۆ دژایەتی كردنی عەلەوی و كورد، كەچی بەهەوڵی شێخ هیجری ئەم پیلانە شكستی هێنا، هەر ئەمەش وای كردوە دڵرەشیەكی وەها دروست بكات هیچ كاتێك نەمبینیوە لە هیچ كەسێك لە خزمەكانی و خەڵكی سوەیدا، بەراستی شتێكی نامۆیە! 
منیش پێم گوت : سوپاس و بەم رێگایە سەردانی دیمەشق ناكەم و ئامادە نیم و پێویستم بە پۆستی دەسەڵات نیەو نوێنەرایەتی پەرلەمان لە بەرلین بەسمە و زۆر شەریفترە لە پۆستەكانی ئەم دەسەڵاتە خۆێناویە و سەركوتكەرە، و ئەگەر پێویستم بە واستە بێت بۆ چوونە وڵاتی خۆم ئەوا بە واستە ناچم، خەبات دەكەم تاو ئەو كاتەی دیموكراتیەت دێتە كایەوەو ئەو كات من و هەموو سوریەكان بە ئازادی سەردانی دەكەین بەبێ واستە كردن، بەم شێوەیە كۆتاییم بە قسەكان هێنا، هەرچەندە فەیسەڵ دەیویست قەناعەتم پێ بكات بەڵام من كەناڵەكەم جێهێشت.

وەرگێڕانی لە عەرەبییەوە - حیلمی ڕەزا