دۆلار بەشێوەیەکی بەرچاو بەرزبوویەوە و زێڕیش سەرو یەک ملیۆن دینارە.

هەواڵ:KNNC

جیا لە بەرزبوونەوەکی ماوەی ڕابردوو ئەمڕۆ نرخی دۆلار بەشێوەیەکی بەرچاو بەرزبوویەوە و گەیشتە نزیکیی 150 هەزار دینار.

هەرچەندە لە کاتی کردنەوەی بازاڕدا هەر 100 دۆلارێک بەرامبەربوو بە 148 هەزار و 100 دینار بەڵام دواتر بوو بە 149 هەزار و 850 دینار، واتا نزیکەی دوو هەزار دینار چووە سەر نرخەکەی لە یەک ڕۆژدا، ئەوەش جیا لەوەی لە بازاڕدا نرخی دۆلار لە ئاڵوگۆڕگەیەک بۆ ئاڵوگۆڕگەیەکی دیکە دەگۆڕێت.

هاوکات نرخی زێڕیش لە بازاڕدا لە بەرزییدا ماوەتەوە و نرخی هەر مسقاڵێک زێڕی عەیارە 21 کە زۆرترین خواستی لەسەرە بە یەک ملیۆن و 33 هەزار دینارە و مسقاڵێک زێڕی عەیارە 18ش بە 878 هەزار دینارە...