به‌ده‌یان كه‌شتی و كۆمپانیای به‌ڕێوه‌به‌ردنی كه‌شتیوانیی سه‌ر به‌ئێران سزادران.

هەواڵ:KNNC

وەزارەتی گەنجینەی ئەمەریکا، سزای دارایی سەر 29 کەشتی و کۆمپانیای بەڕێوەبردنی کەشتیوانی سه‌پاند، پاش ئه‌وه‌ی ساغبوه‌وه‌ كه‌ ئه‌و کەشتییانە بەشدارییان کردووە لە هەناردەکردنی نایاسایی نەوت و بەرهەمە پترۆکیمیاییەکانی ئێران بۆ بازاڕەكانی جیهان.

به‌پێی راگه‌یه‌نراوێكی وەزارەتی گەنجینەی ئەمەریکا ، ئەو کەشتی و کۆمپانیایانەی کراونەتە ئامانج، بڕی سەدان ملیۆن دۆلاریان له‌گواستنه‌وه‌ی نه‌وت  به‌ فێڵ و نایاسایی به‌ده‌ستهێناوه‌.

جۆن هێرلی، بریکاری وەزارەتی گەنجینەی ئەمەریکا بۆ کاروباری تیرۆر و هەواڵگری دارایی ڕایگەیاند: واشنتن بەردەوام دەبێت لە بێبەشکردنی ئێران لەو داهاتە نەوتییانەی کە تاران بۆ بودجەی بەرنامەی سەربازی و پڕچەککردنی گرووپە لایەنگرەکانی ته‌رخانیان ده‌كات.