دەوڵەت باخچەلی دەڵێت: عەبدوڵڵا ئۆجالان کاریگەرترین کەسی پڕۆسەی چارەسەرییە و تورکیا لە قۆناغێکدایە کە دەبێت خۆی لەگەڵ گۆڕانکارییەکان بگونجێنێت تا لە جیهان دانەبڕێت.

هەواڵ:KNNC

دەوڵەت باخچەلی سەرۆکی پارتی نەتەوەپەرستی تورکیا-مەهەپە لە نوێترین لێدوانیدا ڕایگەیاند: سەردانی کۆمسیۆنە پەرلەمانییەکە بۆلای عەبدوڵڵا ئۆجالان مێژوویی بووە، چونکە کاریگەرترین کەس و وتاردەر لە پڕۆسەی چارەسەریی عەبدوڵڵا ئۆجالان و ئیمراڵییە.

دەوڵەت باخچەلی وتیشی، پێشهاتی گەورە لەپێش تورکیایە، تورکیا دەبێت خۆی لەگەڵ گۆڕانکارییەکان بگونجێنێت و لە جیهان جێنەمێنێت، دەبێت ببێتە پێشەنگ، ڕاستە جیاوازیی بیرکردنەوە لە وڵاتەکەدا هەیە و هەموو پەنجەکانی دەست وەک یەکترنین، بەڵام لە پرسە نیشتیمانییەکاندا دەبێت هەمووان یەکهەڵوێستبن، وەک تورک یەکهەناسەبن و تورکانە ڕووبەڕووی هەموو نەیارەکان ببنەوە.

لە بەشێکی قسەکانیدا باخچەلی وتی، هەرچەندە هەڕەشە و گوڕەشەی زۆر دەکرێت لە پرسی چارەسەرییدا بەڵام ناهێڵن هەوڵەکانی ئاشتیی لەبارببرێن و ئامادەی لەسێدارەدانە لەپێناو تورکیایەک کە ئاشتیی بەرقەراربێت تیایدا و دووربێت لە شەڕ...