شەپۆلی بارانبارین ڕوو لە هەرێمی کوردستان دەکات و کەشناسێکیش ڕایدەگەیەنێت بەفربارین دەگاتە ناوەندی شارەکان.

هەواڵ:KNNC

پشتیوان پێنجوێنی شارەزای بواری کەشانسیی لەبارەی ڕەوشی کەشوهەوا و پێشبینییەکان بە کەی ئێن ئێنی ڕاگەیاند: لە دوو هەفتەی داهاتوودا گۆڕانکاریی تەواو بەسەر کەشوهەوای هەرێمی کوردستاندا دێت و شەپۆلێکی بارانبارینی سەرتاسەریی ڕوو لە تەواوی ناوچەکەمان دەکات.

ئاماژەی بەوەشدا، لەگەڵ شەپۆلەکەی سەرەتای مانگ بەفربارین ڕوو لە ناوچە شاخاوییەکان دەکات و بە ئەگرێکی زۆرەوە بەفربارین ناوەندی شاری سلێمانیش دەگرێتەوە.

ڕوونیشی کردەوە کە لە مانگی داهاتووەوە پلەکانی گەرما بەشێوەیەکی بەرچاو و 7 بۆ 8 پلەی سیلیزیی دادەبەزن و سەرمایەکەی تەواو و کەشێکی زستانە ڕوو لە ناوچەکە دەکات.

ئەوەش کە کاتێکدایە بۆ ئێستا بەرزترین پلەکانی گەرما بەمجۆرەیە، گەرمیان بە 29 پلەی سیلزیی گەرمترینە و و حاجی ئۆمەران بە 15 پلە ساردترینە، کەرکوک 27 پلە، هەولێر 25 پلە، دهۆک 24، سلێمانی 23 و هەڵەبجە 22، پلەی سیلیزین...