محەممەد جەواد زەریف دەڵێت: ئێران هەرگیز شەڕی نەویستوە و بە کەلتور و هونەر کاریگەرییان لەسەر جیهان داناوە، ئەمەریکا سەرەڕای هەوڵە زۆرەکانی شکستی هێناوە لە تاکجەمسەرکردنی جیهان.

هەواڵ:KNNC

محەممەد جەواد زەریف وەزیری پێشووی دەرەوەی ئێران ڕایگەیاند: ئێران وڵاتێکە هیچ کات لەگەڵ شەڕدا نەبووە و نەیویستوە شەڕی جیهان بکات، بەڵکو لەڕێگەی کەلتور و هونەرەوە کاریگەریی لەسەر تەواوی جیهان داناوە.

ئاماژەی بەوەشدا، کاتێک حەمماس و حزبوڵڵا و گروپەکانی مقاوەمە لەدایکبوون ئێران لەوپەڕی لاوازییدابووە و ئێستاش دەستەواژەی بەرەنگاربوونەوەی تیرۆر تەنها ناو و بیانوە بۆ هەژمونگەرایی لە جیهاندا.

محەممەد جەواد زەریف باسی لە ئەمەریکا و ئەوروپا کردوە و وتویەتی، لە هەڵوێستی سیاسییدا ئەوروپییەکان لەپێش ئەمەریکاوەن، ئەمەریکا سەرەڕاری هەوڵە زۆرەکانی شکستی هێناوە لە تاکجەمسەرگیرکردنی جیهاندا.

ئاماژی بەوەش کرد: ئیسرائیل لە پێنجەمین گەڕی دانوستانەکانی نێوان واشتن و تاراندا، هەموو شتێکی تێکدا بۆ خۆدزینەوە لە بەرپرسیارییەتی و درێژەدان بە تاوانەکانی.

لە بەشێکی قسەکانیدا وەزیری پێشووی دەرەوەی ئێران وتی، کە ئێران بە هیچ هەڕەشە و گوڕەشە و فشارێک نانەوێت و ڕادەست نابێت، هەمیشە دەرگەی گفتوگۆشی کراوەیە بۆ هەموو ئەوانەی باوەڕیان بە دانوستان و پێکهاتنە...