شەپۆلی بارانبارین بەردەوام دەبێت و دەستەی کەشناسیی عێراق لەبارەی ڕەوشی کەشوهەواوە هۆشداریی دەدات.

هەواڵ:KNNC


دەستەی کەشناسیی عێراق زانیارییە نوێیەکانی لەبارەی ڕەوشی کەشوهەوا بڵاوکردەوە و ڕایگەیاند: شەپۆلی بارانبارین بەردەوام دەبێت و پلەکانی گەرماش بەشیوەیەکی بەرچاو دادەبەزن.

کەشناسیی عێراق ئاماژەی بەوەداوە، لە شارەکانی هەرێمی کوردستان شەپۆلەکە بەهێزترین دەبێت بەراورد بە ناوچەکانی دیکەی عێراق و لە هەندێک شوێن دەبێتە هۆی دروستبوونی لافاو، بەپێی ڕاگەیەندراوەکە، لە نزیک دۆڵ  و چەمەکان لافاوی بەهێز و بەخوڕ و مەترسیدار دروست دەبێت بۆیە دەبێت بە ئاگاییەوە مامەڵە بکرێت.

بەپێی ڕاگەندراوەکەی کەشناسیی دابەزینی بەرچاوی پلەکانی گەرما لەمڕۆوە دەستپێدەکات و سبەی دووشەممەش تەمێکی چڕ دروسدەتبێت و کە مەودای بینین بەڕێژەیەکی بەرز کەمدەکاتەوە و داوای لە هاوڵاتییان کردوە بە وریاییەوە کاروبارەکانیان ڕایی بکەن.

ئەوەش لە کاتێکدایە بۆ ئەمڕۆ بەزرترین پلەکانی گەرما لە شارەکانی هەرێمی کوردستان، بەزرترینی لە گەرمیانە کە 22 پلەی سیلیزییە ، نزمترینیشی لە حاجی ئۆمەرانە کە 7 پلەی سیلیزییە، کەرکوک 21 پلە، هەولێر و هەڵەبجە 20 پلە، سلێمانی 19 پلە و دهۆک 18 پلەی، سیلیزیین...