وه‌زاره‌تی ده‌ره‌وه‌ی چین ، حكومه‌تی ئه‌مریكای به‌توندی له‌فرۆشتنی چه‌ك به‌تایوان ئاگادار كرده‌وه‌.

هەواڵ:KNNC

 لین جیان، وتەبێژی وەزارەتی دەرەوەی چین لە کۆنگره‌یه‌كی ڕۆژنامەوانیدا بە توندی دژایەتیی په‌كینی بەرامبەر بە گرێبەستی نێوان واشنتن و تایپیه‌ پیشانداو ڕایگەیاند، کە بەهای ئه‌و گرێبه‌سته‌ 330 ملیۆن دۆلارە ه‌ به‌و پێیه‌ش چه‌ك به‌تایوان ده‌فرۆشرێت.

وتەبێژه‌كه‌ی وەزارەتی دەرەوەی چین  جه‌ختیكرده‌وه‌ فرۆشتنی چەک لەلایەن ئەمریکاوە بە تایوان پێشێلکردنی بنەمای یەکپارچەیی خاكی چین و سه‌روه‌ریه‌كه‌یه‌تی.

ئه‌و لێدوانه‌وه‌ی وته‌بێژه‌كه‌ی وه‌زاره‌تی ده‌ره‌وه‌ی چین دوای ئه‌وه‌هات هه‌رئه‌مرۆ وەزارەتی دەرەوەی ئەمریکا ڕایگەیاند، واشنتۆن ڕەزامەندی دەربڕیوە لەسەر فرۆشتنی كه‌لوپه‌لی سه‌ربازیی به‌ تایوان بە بەهای 330 ملیۆن دۆلار .

 ئەمە یەکەم ڕێککەوتنە  كه‌ ئه‌مریكا لەگەڵ ئەو دوورگەیەدا لە دوای گەڕانەوەی ترەمپ بۆ کۆشکی سپی ئه‌نجامی ده‌دات "هەرچەندە واشنتۆن دان بە خواستی دوورگەکەدا نانێت بۆ خۆبەڕێوەبەری و سەربەخۆیی، بەڵام ئەمریکا بە یەکێک لە گەورەترین دابینکەرانی چەک و کەلوپه‌لی سەربازی بۆ تایوان دادەنرێت.