یەکەم بارانبارینی سەرتاسەریی ڕوو لە هەرێمی کوردستان دەکات و کەشناسێکیش دەڵێت: لە هەندێک ناوچە پەڵە بدات

هەواڵ:KNNC

تا ئێستا 50 ڕۆژ لە وەرزی پاییز تێپەڕیوە و تا ئێستا هیج بارانیکی سەرتاسەریی لە هەرێمی کوردستان نەباریوە، لەوبارەیەوە لوقمان موفتی شارەزای بواری کەشناسیی ڕایگەیاند: یەکەمین شەپۆلی بارانبارینی سەرتاسەریی و گشتگیر بۆ ناوچەکانمان لە شەممە و یەکشەممەی داهاتوو جێگیربووە و بۆ ڕۆژانی دواتریش ئەگەری ڕیژنەباران هەیە.

بەپێی پێشبینییەکانی ئەو کەشناسە، بارانبارینەکە بە زۆری ناوچەکانی دهۆک و بادینان و ناوچەشاخاوییەکان دەگرێتەوە و لە هەندێک ناوچەش ئەگەری دروستبوونی لافاو هەیە.، دەبێتە بارانی پەڵەش بۆ بەشێکی ناوچەکانمان.

ئەوەش لە کاتێکدایە بەپێی پێشبینییەکان بۆ ئەم دوو ڕۆژە ئاسمان پەڵەهەور و نیمچەهەور دەبێت و پلەکانی گەرماش سێ بۆ پێنج پلە دادەبەزن.

بەرزترین پلەکانی گەرماش بەمجۆرەیە، گەرمیان و کەرکوک بە 28 پلەی سیلیزیی بەرزترین پلە و حاجی ئۆمەران بە 18 پلەی سیلیزیی نزمترینە، هەولێر 27 پلە و سلێمانی و هۆک 25 پلە و هەڵەبجەش24 پلەی سیزلیزیی دەبێت..