حوسان عه‌فاش كه‌ ماوه‌یه‌ك له‌مه‌و به‌ر له‌گرته‌ ڤیدیۆییه‌كدا به‌چه‌كێكه‌وه‌ هه‌ڕه‌شه‌ی له‌كوردو درووزو عه‌له‌وییه‌كان ده‌كرد له‌به‌رده‌م ماڵه‌كه‌یدا كوژرا.

هەواڵ:KNNC

میدیاكانی سوریا بڵاویانكرده‌وه‌ ئه‌مرۆ له‌لایه‌ن كه‌سانێكی نه‌ناسراوه‌وه‌ ته‌قه‌ له‌عه‌فاش كراوه‌و فیشه‌كێك به‌ر سه‌ری كه‌وتوه‌و به‌گه‌یشتنی به‌نه‌خۆشخانه‌ مردوه‌.

عه‌فاش له‌و گرته‌ ڤیدیۆیه‌ی كه‌ بڵاوكرابوه‌وه‌ سوكایه‌تی به‌كوردو ئه‌وانیتر ده‌كرد و به‌به‌راز ناوده‌هێنان و هێرشی توندی ده‌كرده‌  سه‌ر شه‌رڤانانی هه‌سه‌ده‌.

عه‌فاش كه‌ له‌بنه‌ڕه‌تدا عه‌ره‌بی دێره‌زوره‌ چووبوه‌ عه‌فرین و له‌نێو ماڵێكی داگیركراوی كورددا نیشته‌جێببوو، له‌گه‌ڵ ئه‌وه‌شدا سوكایه‌تی به‌كوردو كه‌مینه‌كانی تر ده‌كرد، هه‌ربۆیه‌ سه‌رئه‌نجام خوێنی خۆی كرده‌ كاسه‌وه‌و له‌لایه‌ن چه‌كدارانی نه‌ناسراوه‌وه‌ كوژرا.