نوسینگەی سەرۆکوەزیرانی عێراق بڵاویکردەوە، بە بڕیاری محەمەد شیاع سودانی سەرۆکوەزیرانی عێراق ڕایگەیاند: سبەینێ چوارشەممە لە تەواوی دامودەزگە حکومییەکانی عێراق پشوی فەرمییە.

هەواڵ:KNNC

لە ڕاگەیەندراوەکەدا ئاماژە بەوەشدراوە، پشووە فەرمییەکە ئەو ناوەند و دامەزراوانە ناگرێتەوە کە خزمەتگوزاریین و بۆ سبەی ئەرکیان پێسپێردراوە.

هۆکاری پشوەکەی سبەینێ وەک لە ڕاگەیەندراوەکەدا هاتوە، بۆ ئاسانکارییکردنە لە ڕێکارەکانی پاش هەڵبژاردنی کۆمسیۆن و گواستنەوەی سندوقەکانی دەنگدان لەلایەن هێزەکانی ئاساییش و چۆڵکردنی ئەو خوێندنگە و ناوەندانەی وەک بنکەی دەنگدان بەکارهاتوون.

ئەوەش لە کاتێکدایە لەپاش شەش ڕۆژ پشوی ناوەندەکانی خوێندن و یەک ڕۆژی پشوی فەرمانگەکان لە هەریمی کوردستان سبەینێ دەوامی ئاسایی دەستپێدەکاتەوە و تا ئێستا هیچ بڕیارێک لەبارەی درێژەدان بە پشو نییە.