لە گەرووی هورمز دوو کەشتی دیکە کرانە ئامانج

KNN : Kurdish News Network
02:24 - 21/11/2026
جیهان
+
-

دەستەی دەریایی بەریتانیا، ئەمڕۆ شەممە، ڕایگەیاند تەنی هاوێژراوی نەناسراو بەر دوو کەشتیی گواستنەوە کەوتووە لە کاتی تێپەڕبوون و دەرچوونیان لە گەرووی هورمز.

 

دەستەکە لە ڕاگەیەندراوێکدا ئاشکرای کرد، کەشتییەکی گواستنەوە لە کاتی تێپەڕبوون و دەرچوونی لە گەرووی هورمز، تەنێکی هاوێژراوی نەناسراوی بەرکەوتووە.

 

بەپێی ڕاگەیەندراوەکە، کەشتیی گواستنەوەی دووەمیش لە کاتی دەرچوونی لە هەمان گەروو، بە هەمان شێوە تەنێکی هاوێژراوی نەناسراوی بەرکەوتووە.

 

دەستە دەریاییەکەی بەریتانیا هیچ وردەکارییەکی زیاتری لەبارەی قەبارەی زیانەکان و ئەو لایەنەی لەپشت بەئامانجگرتنی دوو کەشتییەکەوەیە، ئاشکرا نەکردووە.

199 جار خوێندراوەتەوە