عەلی فالح
زەیدی، سەرۆکوەزیرانی عێراق و فەرماندەی گشتیی هێزە چەکدارەکان ڕۆژی یەکشەممە
جەختی کردەوە، حکومەت لە پلانەکانی بۆ سەپاندنی دەسەڵاتی دەوڵەت، جێبەجێکردنی
یاسا، بەرەنگاربوونەوەی گەندەڵی و ڕووبەڕووبوونەوەی دەستدرێژیکردنە سەر سامانی
نیشتمانی لە هەموو شوێنێکی عێراق بەردەوامە.
نووسینگەی
ڕاگەیاندنی سەرۆکوەزیرانی عێراق لە ڕاگەیەنراوێکدا ئاشکرای کرد، عەلی فالح زەیدی
پێشوازیی لە فالح فەیاز، سەرۆکی دەستەی حەشدی شەعبی کردووە و پێکەوە پێشهاتەکانی
دۆخی ناوخۆ و دەرەوەیان لە بوارە جیاجیاکاندا تاوتوێ کردووە.
هەردوولا لە
کۆبوونەوەکەدا جەختیان لە گرنگیی کارکردن بۆ پتەوکردنی سەقامگیریی ناوخۆی وڵات
کردەوە، بە ئامانجی پاڵپشتیکردن و سەرخستنی بەرنامە گەشەپێدان، ئابووری و
وەبەرهێنانەکانی حکومەت.
بەپێی
ڕاگەیەنراوەکە، سەرۆکوەزیران و سەرۆکی دەستەی حەشدی شەعبی بەرنامەکانی پەرەپێدانی
هێزە چەکدارەکانیشیان بە سەرجەم بەش و پێکهاتەکانیانەوە، لە نێویشیاندا
پێکهاتەکانی حەشدی شەعبی، خستووەتە بەر باس.
123 جار خوێندراوەتەوە