ماوەی چەند رۆژێكە شەڕی میدیای نێوان رەوتی سەدر (رەوتی نیشتمانیی شیعی ) و چوارچێوەی هەماهەنگی دەستیپێكردوەو لەوبارەیەشەوە مەجاشع تەمیمی چالاكوانی سیاسی نزیك بەرەوتی سەدر لەلێدوانێكیدا بۆ عەرەبی جدید رایگەیاند: موقتەدا سەدر خاوەنی بنكەیەكی جەماوەرییەو دەتوانێت هاوسەنگیی سیاسی لەعێراق ئاوەژو بكات.

هەواڵ:KNN

بەوتەی تەمیمی ئەو هەڵمەتە میدیاییەی رەوتەكەیان لەدژی سەرانی چوارچێوەی هەماهەنگیی دەستیان پێكردوە پەیامێكی سیاسیی واقیعییە و پێمان دەڵێت كە بەشداری هەڵبژاردنێك ناكەین كۆمەڵێك دەموچاوی دوبارە لەدەسەڵاتدا بمێننەوە لەكاتێكدا ئەوانە بەرپرسیارن لەشكست و گەندەڵی و پەرتبون.

بەوتەی ئەو هەڵسوڕاوە سیاسییەی سەدرییەكان پێویستە سەرلەبەری سیستمی سیاسی لەعیراق گۆڕانكاری ڕیشەیی بەسەردا بێت و لە لۆژیكی پشكپشكێنە و پێبەندی و گەندەڵی دوربكەوێتەوە .