بەرەی توركمانی لەكەركوك لەدژی دروشمی كەركوك دڵی كوردستانە هاتنە دەنگ
هەواڵ:KNNC
دوای ئەوەی لە نێو بینای بەرێوەبەرایەتی شارەوانی كەركوك دروشمی كەركوك دڵی
كوردستانە لەسەر شاشەكانی ئەو جێگەیە جێگیر كرابوو ، لقی كەركوكی بەرەی توركمانی
لەراگەیەنراوێكیدا دەڵێت دروشمی لەو جۆرە
جوداخوازییەو دووبەرەكی لێدەكەوێتەوە و لەهەمان كاتیشدا ئەو هەنگاوە پێشێلی
دەستورو یەكپارچەیی عیراقە.
لەبەشێكی تری راگەیەنراوەكەدا داوا لەسەرۆكوەزیرانی عیراق و سەرۆكایەتی پەرلەمان و لایەنە ئەمنیەكانی و
وەزارەتە پەیوەندیدارەكان كراوە رێكاری بەپەلە بگرنە بەر و دەستبەجێ لێكۆڵینەوە
بكرێت لەو رووداوە كە مایەی هەڕەشەیە بۆ
سەر ئاشتەوایی كۆمەڵایەتی و سەرجەم ئەو
كەسانەش لێپرسینەوەیان لەگەڵ بكرێت كە تێوە گلاون.
وەك ئاشكرایە دروشمی ( كەركوك دڵی كوردستانە) وتەیەكی مەلا مستەفا بارزانی
سەرۆكی پێشوتری پارتی دیموكراتی كوردستانە كە تاوەكو ئەمرۆ لەلایەن پەیڕەوكارانی
ئەو پارتەوە دەوترێتەوە.
1962 جار خوێندراوەتەوە