هاوسەرۆکی پژاک رایگەیاند: بڕیاری پەکەکە بۆ
خۆهەڵوەشاندنەوەیان پەیوەستە بە خۆیانە
وەکو پارتێک و پەیوەندی بە ئەوانەوە نییە
و چەکدانان لە پلانی پژاکدا نییە
هەواڵ:KNNC
ئەمیر کەریمی، هاوسەرۆکی پارتی ژیانی ئازادی
کوردستان (پژاک) لەبارەی پڕۆسەی ئاشتییەوە بە کەناڵی (ئاریەن تیڤی) راگەیاندوە، ئەو قۆناغەی عەبدوڵا ئۆجالان دەستی
پێکردوە بە گرنگ و ئەرێنی دەزانن بۆ چارەسەری کێشەی کورد لە تەواوی رۆژهەڵاتی
ناوەڕاستدا.
ناوبراو، لەبارەی داواکەی ئۆجەلانیشەوە بۆ چەکدادانی پەکەکە، دەڵێت؛ بڕیاری خۆهەڵوەشاندنەوەی پەکەکە بڕیاری خۆیانە وەکو
پارتێک و بڕیاری پژاک لەو بارەیەوە جیاوازە
و ئەوان ناگرێتەوە.
ئەمیر کەریمی دەشڵێت؛ پژاک لە ساڵی 2011ەوە ئاگربەستی راگەیاندوە و
ئەگەر هێرش نەکرێتە سەریان ئەوان چالاکی ناکەن.
ئەمە لەکاتیكدایە، تورکیا پژاک بە لقێکی پەکەکە
دەزانێت کە سنوری چالاکییەکانی ڕۆژهەڵاتی کوردستانە و هەمان ئایدۆلۆژیا
و سیستمی بەڕێوەبردنی پەکەکە پەیڕەو دەکات .
پێشتریش وەزیری
دەرەوەی تورکیا لەبارەی چەکدانانی پەکەکەوە ڕایگەیاندبو، تەنها چەکدانان بەس نییە و دەبێت تەواوی ڕێکخراو و لقەکانی سەر بە پەکەکەش هەڵبوەشێندرێنەوە.
328 جار خوێندراوەتەوە