نرخى نەوت بەرز بووەوە

KNN : Kurdish News Network
08:41 - 19/09/2022
ئابوری

بەپێی داتاکانی بازاڕی جیهانی نەوت ئەمڕۆ دووشەممە، نرخی یەک بەرمیل نەوتی خاوی برێنت بە 91 و دۆلار و 80 سەنت مامەڵەی پێوەکراوە و نرخەکەى 45 سونت بەراورد بە دوێنێ، بەرز بوەتەوە

هاوکات، نرخی یەک بەرمیل نەوتی خاوی ئەمریکی بە 85 دۆلار و 41 سەنت مامەڵەی پێوەکراوە و نرخەکەى بەراورد بە دوێنێ 40 سەنت بەرز بووەتەوە.

لە سەرەتای دەستپێکی هێرشەکانی روسیا بۆسەر ئۆکرانیا بەهۆی زیادبونی سزاکانی وڵاتان لەسەر روسیا و کەمبونی دابینکردنی نەوت لە بازاڕەکاندا نرخی نەوت گەیشتە بەرزترین ئاستی لەماوەی ١٤ ساڵد.

بەگوێرەی پێشبینییەکان لەمساڵدا بەراورد بە ساڵی رابردو، خواست لەسەر نەوت زیاد دەکات و بۆ 96  ملیۆن و 400 ھەزار بەرمیل لە رۆژێکدا بەرز دەبێتەوە.

ناوەندە جیهانییەکان پێشبینی دەکەن، لەگەڵ هاتنی وەرزی سەرما لە جیهاندا، نرخی نەوت و سوتەمەنییەکان بەشێوەیەکی گشتی بەرزبونەوە بەخۆیانەوە ببینن.

بەگوێرەی نوێترین پێشبینییەکان، نرخی نەوت تا کۆتایی ئەمساڵ لە نێوان 95 تا 100 دۆلاردا جێگیر دەبێت.

361 جار خوێندراوەتەوە