لە هێرشێکى چەکداریدا زیاتر لە (800) بەندکراو هەڵاتن

KNN : Kurdish News Network
08:44 - 24/10/2021
جیهان

له‌ ئه‌نجامی هێرشێكی چه‌كداریی بۆ سه‌ر گرتوخانه‌یه‌ك له‌ پارێزگای ئۆیۆ له‌ نێجیریا، (575) به‌ندكراو هه‌ڵاتن.

ئۆلانرێواجو ئانجۆرین، وته‌بێژی فه‌رمانگه‌ی گرتووخانه‌كان له‌ پارێزگای ئۆیۆ، له‌ لێدوانێكدا بۆ رۆژنامه‌وانان ئاماژه‌ی به‌وه‌ كردووه‌ ژماره‌یه‌ك چه‌كداری نه‌ناسراو، دوێنێ شه‌و هه‌ڵیانكوتاوه‌ته‌ سه‌ر گرتوخانه‌یه‌ك له‌ ناوچه‌ی ئابۆڵۆنگۆ و به‌هۆی هێرشه‌كه‌وه‌ (837) به‌ندكراو هه‌ڵاتوون.

ئۆلانرێواجو ئانجۆرین باسی له‌وه‌ش كردووه‌، ٢٦٢ له‌ سزادراوه‌كان ده‌ستگیركراونه‌ته‌وه‌ و هێشتا ٥٧٥یان دەستگیرنەکراونەتەوە و هه‌وڵه‌كانیش بۆ ده‌ستگیركردنه‌وه‌یان به‌رده‌وامه‌.

ئانجۆرین ئاشكراشی كردووه‌، ژماره‌یه‌كی زۆر كه‌س له‌ هێرشه‌كه‌دا برینداربوون.

6391 جار خوێندراوەتەوە