یەدەگی بانکی ناوەندیی عێراق بەرزبوونەوەیەکی بەرچاوی تۆمارکرد و گەیشتە 113 ترلیۆن و 991 ملیار دینار، هاوکات بەهای زێڕ و مافەکانی راکێشان 35 ترلیۆن دیناری تێپەڕاند.

بەپێی داتاکانی پێوەرە داراییەکانی بانکی ناوەندی، تا 15ی تشرینی یەکەمی 2026، قەبارەی یەدەگی فەرمی بەراورد بە مانگی ئەیلولی ڕابردوو زیادیکردووە، کە پێشتر 101 ترلیۆن و 718 ملیار دینار بووە، بەمەش لە ماوەی یەک مانگدا بە بڕی 12 ترلیۆن و 273 ملیار دینار هاتووەتە سەر یەدەگەکە.

سەبارەت بە پێکهاتەی یەدەگەکەش، وەبەرهێنانە دەرەکییەکان گەیشتوونەتە 77 ترلیۆن و 925 ملیار دینار، لەکاتێکدا سەرمایە نەختینەییەکانی ناو گەنجینەی بانکی ناوەندیی عێراق بە 742 ملیار دینار خەمڵێنراون.