هەورە بروسکە لە هندستان (27) کەس دەکوژێت

KNN : Kurdish News Network
10:44 - 09/06/2021
جیهان

لەماوەی (24) کاتژمێردا لە ناوچەکانی رۆژهەڵاتی هندستان بەهۆی بەرکەوتنی هەورە بروسکەوە (27) کەس گیانیان لەدەستداوە.

 

سەرچاوەکانی هەواڵی هندستان بڵاویان کردەوە، جەڤید ئەحمەدخان بەرپرسی کاروباری نائاسایی و کارەساتە سروشتییەکان لە ویلایەتی بینگال رایگەیاندووە، لەبەر با و بارانێکی زۆر لە چەند ناوچەیەکی جیاوازی ئەو ویلایەتە هەورەبروسکە لە چەندین هاوڵاتی داوە، کەبەشێکی زۆری ئەو هاوڵاتییانە لەناو زەوییەکانی خۆیان سەرقاڵی چاندنی بەروبومی کشتوکاڵی بوون بەهۆیەوە (27) کەس گیانیان لەدەستداوە و هەشت کەسیش برینداربوون.


ئەوە لەکاتێکدایە، بەپێی ئامارێک لە ساڵی (2019)دا دوو هەزار و (900) کەس بەهۆی بەرکەوتنی هەورە بروسکەوە لە هدنستان گیانیان لەدەستداوە.

148 جار خوێندراوەتەوە