دۆناڵد ترەمپ، سەرۆکی ویلایەتە یەکگرتووەکانی ئەمریکا ڕایگەیاند، بڕیارێکی یەکلاکەرەوە لەبارەی ئێرانەوە دەدات و جەختیش دەکاتەوە کە تاران دەستبەرداری هەوڵەکانی بۆ بەدەستهێنانی چەکی ئەتۆمی بووە.

لە لێدوانێکی ڕۆژنامەوانیدا ترەمپ ئاماژەی بەوە کرد، بڕیارێک هەیە لەسەر ئێران دەیدات و بە ڕێگەی ئاسان بێت یان قورس جێبەجێی دەکەن. هۆشداریشی دا کە بەهیچ شێوەیەک ڕێگە نادرێت ئێران ببێتە خاوەنی چەکی ئەتۆمی.

لەسەر هەڵوێستی ئێستای تاران، سەرۆکی ئەمریکا وتی: "وەک دەزانن، ئێران بەکردەیی دەستبەرداری هەموو پلانێکی بووە بۆ بەدەستهێنانی چەکی ئەتۆمی".