جێگری پارێزگاری سلێمانی هۆشداریی توند دەداتە بازرگانان و خاوەن کۆگاکانی خۆراک، کە بە بیانووی بەرزبوونەوەی نرخی دۆلارەوە نرخەکان بەرز نەکەنەوە و قەیرانەکە نەقۆزنەوە، بەپێچەوانەوە ڕووبەڕووی سزای قورس دەبنەوە.

شاهۆ عوسمان، جێگری پارێزگاری سلێمانی ڕایگەیاند؛ لێژنەکانیان ڕۆژانە بەردەوام چاودێریی بازاڕ دەکەن، هەر کۆمپانیا و مارکێتێک نرخی کاڵا گران بکات یان پێداویستیی کەمتر بخاتە بازاڕەوە، توندترین سزای یاسایی دەدرێت و ناوەکانیشیان لە دەزگاکانی ڕاگەیاندنەوە بڵاودەکرێتەوە.

هاوکات داوا لە هاووڵاتییان دەکات، لە کاتی بینینی هەر سەرپێچییەک و گرانکردنێکی نرخی کەلوپەلدا، لە ڕێگەی لێژنەکانی قایمقامیەتی ناوەندیی سلێمانییەوە سکاڵا تۆمار بکەن، بۆ ئەوەی ڕێکاری خێرایان بەرامبەر بگیرێتەبەر.